Personvernerklæring

Norsk Test AS er behandlingsansvarleg for personopplysningar som blir behandla av denne nettstaden.

Personopplysningane som blir henta inn, blir brukte til å administrere, tildele og gjennomføre elektroniske testar og resultat. Vi brukar informasjonskapslar (cookies).

Kva opplysningar blir registrerte

Lista nedanfor inneheld opplysningar vi kan be om (vi hentar ikkje inn opplysningar utover det du gir oss). Kva opplysningar som blir registrerte for ei gitt oppgåve, er avhengig av oppgåva. Vi krev at du oppgir alle opplysningar som er merkte som obligatoriske for å få tilgang til ei teneste.

Namn

Vi registrerer namn for å tilpasse tenesta til deg og for å identifisere deg.

Adresse

Vi treng adressa for å kunne sende deg diplom og kort i posten.

Mobilnummer

Vi brukar mobilnummer for å sende deg kodar som identifiserer deg på nettstaden. Dersom du betaler for ein test med mobilen, lagrar vi mobilnummeret saman med produktet du kjøpte.

E-post

Vi brukar e-post til å sende deg informasjon om tenesta du brukar. Vi vil av og til sende deg informasjon vi trur du vil ha nytte av. Vi vil aldri selje e-posten din til tredjepart.

Fødselsdato

For tenester som er avgrensa etter alder, registrerer vi fødselsdato.

Passfoto

Vi brukar passfoto som ein del av kortproduksjonen for enkelte produkt.

Fødselsnummer

Vi registrerer fødselsnummer berre når det er nødvendig for å identifisere deg eintydig overfor eksterne aktørar (dvs. offentlege register som politiet har tilgang til).

Vi brukar ein ekstern betalingsformidlar og lagrar ikkje kredittkortopplysningar.

Utlevering av opplysningar til tredjepart

Vi overfører data som skal pregast på plastkort, til trykkeriet som utfører denne oppgåva for oss.

I nokre spesielle tilfelle brukar vi eksterne testleverandørar og overfører då informasjon som kan identifisere deg og kva test du skal ta.

Kontaktskjemaet på nettstaden er verna mot automatisert misbruk (spam) med Cloudflare Turnstile. Når du sender inn skjemaet, får Cloudflare IP-adressa di og tekniske opplysningar om nettlesaren for å avgjere om innsendinga kjem frå eit menneske. Turnstile brukar ikkje informasjonskapslar for å spore deg, og opplysningane blir ikkje brukte til profilering, annonsering eller andre føremål. Sjå personvernerklæringa til Cloudflare.

Kontaktinformasjon

Norsk Test er eit norsk firma, og behandlinga vår av personleg informasjon fell inn under norsk lovgiving. Dette gjeld særleg personopplysningslova, som gir deg rett til innsyn i eigne personopplysningar. Du kan krevje å få retta eller sletta mangelfulle eller uriktige opplysningar.